Det er ei glede å ønske velkommen til NordAccordion for tredje året! Festivalen NordAccordion er unik ved at den kombinerer meisterklassar og kurs av svært høg kvalitet for unge akkordeonistar, med konsertar for eit breitt publikum. Festivalen blei etablert av Geir Draugsvoll og Ida Løvli Hidle i 2018 med eit ønske om å skape eit sommarkurs for unge, begava akkordeonistar. Eit sommarkurs dei skulle ønske at fantes då dei sjølv var unge.

I tilknyting til sommarkurset vil det bli arrangert ei rekkje konsertar rundt om på Voss og i distriktet. Konsertane vil presentere eit breitt spekter av norske og internasjonale akkordeonistar og trekkspelarar innanfor fleire sjangrar. Publikum vil få høyre alt frå klassisk- og samtidsmusikk til jazz og folkemusikk.

Kurset finn stad på Ole Bull Akademiet. Her blir det halde mesterklassar og konsertar. I tillegg vil kursdeltakarar og instruktørar få kost og losji her. Ole Bull Akademiet ligg sentralt ved Voss sentrum, med flott utsikt over bygda. Det blir konserter ved Stalheim Hotell, Bakka kyrkje og i Vangskyrkja i Voss sentrum. Som ein del av kurset vil også artistane på festivalen halde workshops innanfor sine felt.

Det er ei stor glede for oss å kunne ønskje velkommen til NordAccordion 2023 i samarbeid med Ole Bull Akademiet og Voss Spelemannslag. Vel møtt!