Den fjerde NordAccordion-festivalen startar 1. august! Tradisjon tru opnar festivalen med ein opningskonsert med eit framifrå knippe musikarar som på ein eller annan måte er tilknytt sommarkurset.
Den eminente akkordeonspelaren Veli Kujala frå Finland byr på eit spanande program av mellom anna Michel Camilo, Stu Goldberg og Tuomas Kettunen. Han er professor ved Sibelius Akademiet og ein anerkjend akkordeonist i internasjonal toppklasse. Saman med Geir Draugsvoll blir han også å oppleve på meisterklassar på NordAccordion sitt sommarkurs.
Geir og prosjektleiar Kristina Farstad Bjørdal vil framføre utdrag av det rykande ferske verket “Friggs Rokk” av Jorun Marie Kvernberg. Det heile blir toppa med folkemusikk frå Møre og Romsdal, vakkert arrangert for durspel og akkordeon, med Marius Berglund og Kristina Farstad Bjørdal.
Velkommen til ei staseleg opning av NordAccordion 2023!
