Den fjerde NordAccordion-festivalen startar 1. august! Tradisjon tru opnar festivalen med ein opningskonsert med eit framifrå knippe musikarar som på ein eller annan måte er tilknytt sommarkurset.
ONSDAG 2. AUGUST KL. 20.00
"Nosferatu" er den mest legendariske av alle Dracula-filmar, instruert av legenden F.W. Murnau. Filmen hadde 100-årsjubileum i 2022. Den danske komponisten Helle Solberg har komponert ny klassisk musikk til filmen, spesielt for live framføring.
TORSDAG 3/8 KL. 12.00
I fantastisk klang i Voss Sparebank sine lokale i Voss sentrum, får du i denne lunsjkonserten servert akkordeonmusikk av ypperste klasse av Radu Ratoi, Viktor Stocker og Man Yui Wang. Denne konserten har blitt ein tradisjon, og vi i NordAccordion er svært takksame og stolte av at Voss Sparebank er ein av våre sponsorar. Vel møtt!
OLE BULL AKADEMIET – TORSDAG 3/8 KL. 18.00
Kvelden startar med eit foredrag om akkordeonet si historie og framtid av Massimo Pigini. Han er sjef på fabrikken Pigini Fisarmoniche, som har produsert akkordeon og trekkspel sidan 1946! Dette blir eit spanande foredrag med ein kunnskapsrik mann, som meir eller mindre har vakse opp på fabrikken han no er sjef for. Pigini har vore trufast sponsor av NordAccordion sidan oppstarten, og vi gler oss veldig til dette storfine besøket.
Vidare får vi høyre eit utdrag av «LES MASQUES DE NEIGE» (2018-19). Dette er 33 konsertetydar for solo akkordeon, skrive av den cubansk-danske komponisten Louis Aguirre i samarbeid med akkordeonist Adam Ørvad. Verket er eit forsøk på å fylle eit tomrom i akkordeonet sitt repertoar: å gi det ein omfattande og krevjande etydesamling av høg kunstnarisk kvalitet, som dekkjer så mange ulike speleteknikkar som mogleg; matchande tilsvarande verk av. f.eks. Chopin, Liszt, Scriabin eller Ligeti på pianorepertoaret.
FREDAG 4/8 KL. 21.00
Kva er vel betre å bruka fredagskvelden på enn å nyta dei vakraste ariar, viser og musikalsvisker, akkompagnert av akkordeon, på Voss sin hyggelegaste kafé og bar med noko kaldt i glaset? På operapub kjem du tett på musikarane i uformelle omgjevnader.
LAURDAG 5. AUGUST KL. 12.00
På denne konserten skal elevane, og nokre av dei profesjonelle, ved kurset få spele frå sitt repertoar, og ting dei har jobba med på kurset. Ta turen til vakre Stalheim Hotel og høyr desse unge talenta vise kva dei jobbar med denne veka!
Dette blir ein svært variert konsert med høgt nivå!
Fri entre!
LAURDAG 5. AUGUST KL. 15.00
På denne konserten skal elevane på kurset få spele frå sitt repertoar, og musikk dei har jobba med på kurset. Ta turen til vakre Bakka kyrkje og høyr det desse unge talenta i storslagne omgjevnader!
Dette blir ein svært variert konsert med høgt nivå!
Fri entre!
LAURDAG 5. AUGUST KL. 19.30
Moldo Duo består av Radu Ratoi (akkordeon) og Stefan Diaconu (fløyte), og er ein frisk og dynamisk duo med høgt teknisk og kunstnerisk nivå.
SUNDAG 6. AUGUST KL. 19.30
Ved denne konserten skal elevane på kurset få vise seg fram. Kom og høyr desse unge talenta vise kva dei har jobba med denne veka!
Dette er den andre forløpar-konserten til årets festival. Geir Draugsvoll – festivalens kunstneriske leiar (akkordeon), Dina Elena Draugsvoll (klaver) og Mette Rasmussen (klaver) blir å høyra på Stalheim Hotel 8. juli kl. 16.00.