Kontakt NordAccordion

Geir Draugsvoll er kunstnarisk leiar for NordAccordion, og ein av initiativtakarane til festivalen. Som akkordeonist har han spelt over heile verda, og er velkjend for eit innovativt og variert repertoar.

Ikkje minst har konsertane hans som solist med orkester sett spor etter seg, og han har blant anna spelt som solist med London Symphony Orchestra, Mariinsky Orchestra, Kremerata Baltica, Berkeley Symphony og mange andre verdskjende orkester. Utover å vera musikar er Geir professor ved Det Kongelige Danske Musikkonservatorium, der han har runda 25 år som lærar.

«NordAccordion er tenkt som ein festival for akkordeonistar frå heile verda, med fokus på at den yngre norske generasjonen får eit sosialt samlingspunkt, og å gjera det mogleg for dei å få eit internasjonalt perspektiv.»

Kristina Farstad Bjørdal er utdanna akkordeonist ved Noregs Musikkhøgskule og Det Kongelige Danske Musikkonservatorium. Ho jobbar som frilansmusikar, pedagog og journalist.

Kristina brenn for rekruttering på akkordeon og trekkspel, og for å få instrumentet ut til eit breitt publikum. Ho er oppteken av at tiltaket skal ha positive verknader også i ein større samanheng, og føra til musikalsk og pedagogisk samarbeid.

«Eg er utruleg takknemleg og stolt av å få lov til å bidra til ein så viktig festival som NordAccordion. Dette er ein utruleg viktig festival for instrumentet vårt og utøving på akkordeon, både nasjonalt og internasjonalt.»