Program

Konsertar

Følg med på denne sida for festival-programmet. Her kjem det mange og spennande konsertar for einkvar smak!


  • "Teaser"-konsert 29. mai: Sofia Gubaidulina!GeirSofia 516

    Komponisten Sofia Gubaidulina kjem til Voss 29. mai, der musikken hennar vert presentert gjennom ein heilt spesiell portrettkonsert. Gubaidulina vert i dag rekna som den mest markante nolevande komponist i verda, og har ofte latt seg inspirere av akkordeonets særeigne klang og uttrykk. Ho har hatt eit nært samarbeid med vossingen Geir Draugsvoll gjennom mange år, og då er det ikkje meir enn rett og rimeleg at me inviterer ho til å promotere Nordaccordion, i samarbeide med Festspillene i Bergen.

    Konserten startar kl. 19, og frå kl. 17 vil det vere ein presentasjon av “Collaborative Spaces”, som er eit kunstnerisk utviklingsprosjekt omkring Geir Draugsvoll sitt samarbeide med Sofia Gubaidulina. Andre medverkande ved konserten er Ida Løvli Hidle (akkordeon), Øyvind Gimse (cello) og Geir Inge Lotsberg (fiolin).

    KJØP BILLETT HER (Ticketco)




  • Irene Tillung med Ti på Taket, 24/07 kl. 20.00, Kulturhuset

    HCD7322 IMG 3522 7Ensemblet Ti på Taket består av handplukka musikarar med bakgrunn frå ulike sjangrar som folkemusikk, jazz og klassisk musikk, kjent frå grupper som Valkyrien, Sver, In the Country, Hedvig Mollestad Trio og Oslo Strings.

    Sjølv har vossingen Irene Tillung bakgrunn frå klassisk-/samtidsmusikk gjennom studiar ved Norges Musikkhøgskole og Det Kongelige Danske Musikkonservatorium. Etter studiane har ho spelt, arrangert og komponert mykje folkemusikk gjennom grupper som Tindra, MAAR og skotsk-norske Boreas. Repertoaret er prega av Tillung sin allsidige bakgrunn, og femnar eit bredt publikum. 

    Dei siste åra har ho satsa stadig meir på komponering, og ho studerer no filmmusikkomposisjon ved høgskulen på Lillehammer. Etter at ho mottok eit komponiststipend i 2015 sette ho saman ensemblet Ti på Taket for å spele inn sitt første album i eige namn. Resultatet blei albumet «Hildersyn» som har hausta strålande kritikkar. 

    Medverkande: Irene Tillung - trekkspill, Erik Sollid - hardingfele, Anders Hall - oktavtele/bratsj, Ragnhild Lien - fiolin, Isa Caroline Holmesland - fiolin, Lise Voldsdal - bratsj/fiolin, Kaja Fjellberg Pettersen - cello, Ellen Brekken - kontrabass, Pål Hausken - trommer, Mathias Eick - trompet

    Det som slår en i møte med hennes musikk, er hvor flott de klanglige elementene passer i hop. Det er noe lekent, samtidig kontrollert og besnærende annerledes ved denne musikken som ledes an av trekkspillet.
    Svein Andersen/Aftenposten

    KJØP BILLETT HER (kjem)





  • Glorvigen Trio, 23/7 kl. 20.00, Osasalen ved Ole Bull Akademiet

    Glorvigen trio 2Det blir lidenskapelege argentinske tonar under den andre konserten til NordAccordions med Glorvigen Trio. Deira fantastiske tangoprosjekt «El Arte de la Fuga y del Tango» er ein sprelsk blanding av Bach og Piazzolla.

    Ingen musikkgenre verker i utgangspunktet fjernare frå kvarandre enn den lidenskapelige argentinske tangoen og dei strengt komponerte fugene frå Bachs sitt siste verk. Men fellespunktane er der: Bandoneonet var opphavleg tenkt som eit transportabelt kyrkjeorgel i opphavslandet Tyskland før det hamna på Argentinske barar og bordellar rundt år 1900. Bandoneon-spelarar i  Buenos Aires begynner som regel dagen med Bach og mate (argentinsk te), for så å spille tango til dans til klokka fem om morgonen.

    Polyfoni (fleirstemthet) er noe som har preget tango om mulig enda meir enn andre populære musikkformer ettersom så og si alle arrangørar og komponistar innanfor tango har bakgrunn frå klassisk musikk. Prosjektet El Arte de la Fuga y del Tango er et ønske frå Glorvigen-Trio om å framheve sjangrar – ved å oppheve sjangergrensene.

    Med Glorvigen Trio har den folkekjære bandoneonspelaren og enterteinaren Per Arne Glorvigen samla nokre formidable musikarar; Daniela Braun, FIOLIN og Arnulf Ballhorn, KONTRABASS. Denne konserten vil du ikkje gå glipp av!

    KJØP BILLETT HER (Ticketco)





  • Julie & Andreas, 25/7 kl. 21:00, Osasalen ved Ole Bull Akademiet
    Julie Andreas1ikon

    «Det er virkelig utsøkt - denne ekstraordinære kombinasjonen av instrumenter sammen med et dryss av dristighet».
    Klassisk utdannede virtuosar. Søskenparet har alltid hatt lyst til å spele musikk saman. Julie spelar harpe, Andreas spelar bandoneon.

    Harpe og bandoneon?!

    Ja! Og resultatet er verkeleg...fabelaktig. Gjennom denne uvanlege miksen av instrument, det røffe og melankolske bandoneonet saman med den majestetiske og elegante harpa, vert det skapt ei djup musikalsk spenning. Denne unike energien skin ut og gjer dei uvanleg vakre i sin nyskapande musikalske drift mellom folk, tango og klassisk musikk.
    Ei sjeldan og fortryllande musikalsk oppleving.

    KJØP BILLETT HER (Ticketco)





  • Avslutningskonsert, 27/7 kl 19:00, Ole Bull Akademiet

    Ved denne konserten skal elevane på kurset få vise seg fram. Kom og høyr desse unge talenta vise kva dei har jobba med denne veka! Dette blir ein svært variert konsert med høgt nivå!

    KJØP BILLETT HER (kjem)

     

Workshops

  • Andreas og Julie
  • Irene Tillung
  • Anders Grøthe

Følg oss:

NordAccordion blir arrangert i samarbeid med Ole Bull Akademiet og Voss Spelemannslag. Tusen takk til våre støttespelarar:

Logo neg
Nordisk Ministerraad Logo Graa
Voss Kommune Graa
Norsk Kulturfond Logo Graa
Voss Sparebank Graa
Nordisk Kulturfond Logo Graa
Logolink Logo Graa
Nordisk Kulturfond Logo Graa
Hordaland Fylksekommune